Özbəkistanın paytaxtı Daşkənd zooparkında ana qucağında saxladığı 3 yaşlı qızını Zuzu adlı ayının qəfəsinə atıb.

“Sputnik Tacikistan”  xəbər verir ki, bu barədə sosial şəbəkələrdə görüntülər yayılıb.

Videodan görünür ki, ziyarətçilərin və zoopark mühafizəçilərinin ananı saxlamaq cəhdlərinə baxmayaraq, uşaq 5 metrə yaxın hündürlükdən yıxılıb. Ayı uşağa zərər verməyib, lakin qız şok vəziyyətində xəstəxanaya aparılıb və ona kəllə-beyin travması diaqnozu qoyulub.

Ana adam öldürməyə cəhddə ittiham olunub. Bildirilir ki, qadını 15 ilə qədər həbs gözləyir. Hüquq-mühafizə orqanları araşdırmaları davam etdirir.

Qeyd edək ki, ana uşaqları ilə Daşkəndin Sergeli rayonunda atasının evində yaşayırmış. Məlum olub ki, qadın onu tərk edərək Rusiyaya gedən ərinə görə depressiyaya düşüb.