“Qarabağ”la “Sumqayıt” (3:1) arasında keçirilən Premyer Liqa matçında qalmaqallı an yaşanıb.

Matçın 15-ci dəqiqəsində ağdamlıların futbolçusu Filip Ozobiç rəqib oyunçu Almir Aqanspahiçə qarşı kobud oynasa da, baş hakim Əliyar Ağayev millimizin üzvünə qırmızı vərəqə göstərmir. 

Həmin epizodda sarı vərəqə ilə kifayətlənənə FİFA hakimimizin bu qərarı sosial şəbəkələrdə müzakirə mövzusuna çevrilib. Azərbaycan futbolunda VAR-ın olduğunu xatırladan azarkeşlər Ağayevin qərarının təəccüblü və şübhəli olduğunu bildirib. 

Qeyd edək ki, Əliyar Ağayev Azərbaycan Premyer Liqasının 7-ci turunda “Səbail” – “Neftçi” oyununda da ev sahiblərinin qapısına aşkar penaltini təyin etməmişdi. Həmin vaxt da avrokuboklarda oyunlar idarə edən referinin qərarı etirazla qarşılanmışdı.