reklam
Regionxeberlericom.az » Araşdırma » Azərbaycanda qanunsuz ağackəsmə ilə bağlı cinayət işləri AÇILDI

reklam

Azərbaycanda qanunsuz ağackəsmə ilə bağlı cinayət işləri AÇILDI




















Azərbaycanda qanunsuz ağackəsmə ilə bağlı cinayət işləri açılıb.

Bu barədə Baş Prokurorluğun Mətbuat Xidməti məlumat yayıb.

Bildirilib ki, Baş Prokurorluğun Cinayət təqibindən kənar icraatlar idarəsi tərəfindən Sabirabad, İmişli, Ağcabədi, Bərdə və Ağdam rayonlarının ərazilərində Ekologiya və Təbii Sərvətlər Nazirliyinin əməkdaşlarının iştirakı ilə aparılmış araşdırma nəticəsində 6 cinayət işi başlanılıb.

Belə ki, araşdırmalarla dövlət mülkiyyətində, eləcə də xüsusilə qorunan ərazilərdə, həmçinin bələdiyyələrin mülkiyyətində olan ərazilərdə, habelə meşə fonduna aid olan ağacların qanunsuz kəsilməsi faktları öz təsdiqini tapıb.

Qanunsuz ağackəsmə hallarının aidiyyəti vəzifəli şəxslərin vəzifə səlahiyyətlərindən sui-istifadə etməsi nəticəsində baş verməsi müəyyən edildiyindən, faktla bağlı Azərbaycan Respublikası Cinayət Məcəlləsinin 259.1, 259.2.4 (qanunsuz ağac kəsmə) və 308.1 (vəzifə səlahiyyətlərindən sui-istifadə) maddələri ilə cinayət işləri başlanılaraq istintaqın aparılması üçün rayon və şəhər prokurorluqlarına, eləcə də daxili işlər orqanlarının istintaq bölmələrinə göndərilib.




Paylaş:


Müəllif : Tarix:
9-03-2022, 16:42
Sikayət   


loading...
Загрузка...

Oxşar Xəbərlər