Mütəzəm olaraq, pendirlə qidalanma insult və ürək xəstəlikləri riskini aşağı salır.

Çinin Suçjou Universitetindən olan tədqiqatçılar bu nəticəyə gəliblər («FaceNews»).

Mütəxəssislər 15 tədqiqatın məlumatlarını öyrəniblər. Tədqiqatlar Amerika və Avropa alimləri tərəfindən aparılıb - onlar bir neçə il ərzində ümumilikdə 200 min yaşlı adamın sağlamlığını yoxlayıblar.

Analiz göstərib ki, hər gün azı 40 qram pendir yeyən insanlarda ürəyin işemik xəstəliyi riski pendir yeməyənlərlə müqayisədə14 faiz, insult riski isə 10 faiz aşağı olur. Ehtimala görə, bu, digər ərzaqlardan fərqli olaraq, pendirdə doymuş yağların yüksək faizi ilə izah olunur. Həkimlər qeyd edirlər ki, bu yağlar orqanzmdə yüksək miqdarda xolesterinin ifrazına səbəb olmur.


Paylaş: