Çin hökumtəti mart ayının sonuna qədər ölkə ərazisində koronavirusu dəf edəcək.

Yenisabah.az İTAR-TASS-a istinadən xəbər verir ki, bu barədə Çinin Rusiyadakı səfiri Janq Hanhuey Dövlət Dumasının birinci vitse-spikeri İvan Melnikovla görüşündə bildirib: "Biz bu virus üzərində qəti qələbə qazana bilərik. Hətta bu, Hubey əyalətindən başqa digər regionlarda bu ayın sonuna qədər mümkündür. Amma epidemiyanın mərkəzində bu virusu növbəti ayın sonuna qədər məhv edə bilərik. Bu günə qədər 18 mindən çox insan sağalaraq xəstaxanadan çıxıb. Əksər əyalətlərdə və regionlarda artıq 10 gündür ki, yeni yoluxma halları qeydə alınmayıb. Hubey əyalətində, xüsusilə Uhan şəhərində də yoluxanaların sayı azalır".

Koronavirusun səbəb olduğu ölüm halarına gəlincə, səfir qeyd edib ki, bu o qədər də yüksək dərəcədə deyil. "Epidemiyanın mərkəzi olan Hubey əyalətində ölüm halları 2 faiz, ölkə üzrə isə 0.55 faizdir", - deyə diplomat vurğulayıb.


Paylaş: