Amerikanın "Evergreen Intel" analitik layihəsi "Hörümçək toru" əməliyyatı çərçivəsində Ukraynanın pilotsuz təyyarələrinin silsilə hücumlarından sonra Rusiya strateji aviasiyasının itkilərinin yeni hesablamalarını dərc edib.

Lent.az-ın xarici mediaya istinadla xəbərinə görə, ekperrtlər aerodromların peyk şəkillərini tədqiq edərək, 21 təyyarənin zədələnməsi və dağılmasının təsdiqləndiyi qənaətinə gəliblər. Bu, 40-a qədər zədələnmiş təyyarədən bəhs edən Ukrayna Təhlükəsizlik Xidmətinin əvvəllər açıqladığı rəqəmdən xeyli azdır.

“Evergreen Intel”in məlumatına görə:

Tu-95 – 7-si məhv edilib, 1-i zədələnib;

Tu-22M – 4-ü məhv edilib, 1-i zədələnib, 3-nə hücum edilib, lakin onların vəziyyəti hələ müəyyən edilməyib;

An-12 - bir təyyarənin məhv edildiyi təsdiqlənib; 

A-50 - iki havadan erkən xəbərdarlıq təyyarəsi hücuma məruz qalıb, lakin analitiklər onların artıq istismardan çıxarıla biləcəyinə inanırlar;

Ehtimal ki, istismardan çıxarılan daha üç təyyarə də zədələnib, onların statusu dəqiqləşdirilir. Beləliklə, ən mühafizəkar hesablamalara görə, ən azı 12 məhv edilmiş və bir neçə zədələnmiş strateji təyyarədən, o cümlədən nadir və bahalı nümunələrdən danışmaq olar. Bu, Rusiya Aerokosmik Qüvvələrinin genişmiqyaslı müharibənin başlanğıcından bəri ən əhəmiyyətli itkilərindən biridir.