Rumıniyanın Baş naziri Marçel Çolaku rəhbərlik etdiyi Sosial Demokrat Partiyasının şurasının iclasından sonra istefa verdiyini açıqlayıb.

Bu barədə “Reuters” məlumat yayıb.

“Partiya həmkarlarıma koalisiyadan çıxmağı təklif etmişəm ki, bu da mənim baş nazir vəzifəsindən istefa verməyimlə nəticələnəcək”, - deyə siyasətçi bildirib.

Onun sözlərinə görə, prezident seçkilərinin ikinci turundan sonra yeni çoxluq formalaşana qədər hazırkı nazirlər müvəqqəti olaraq vəzifələrini icra edəcəklər.