Qəzza zolağında müharibə başlayanda Türkiyə ərəb ölkələrinə təhlükəsizlik planı təklif edib.

Musavat.com xəbər verir ki, bu barədə iqtidara yaxın "Yeni Şafak” qəzeti məlumat yayıb.

Qeyd olunur ki, plana əsasən, Türkiyə və ərəb ölkələri birgə hərbi qüvvələr yaradaraq Qəzza zolağında yerləşdirməli idilər.

Lakin ərəb ölkələri, o cümlədən Misir bu təklifi rədd edib. Bundan əlavə, ərəb ölkələri Qəzza zolağında öz qoşunlarını yerləşdirmək fikrindən də imtina ediblər.

Bu planın ərəb ölkələrinə səfəri zamanı Türkiyənin xarici işlər naziri Hakan Fidan tərəfindən irəli sürüldüyü vurğulanır.