Ötən gün Ali Baş komandan, Prezident İlham Əliyev nazirlərlə onlayn toplantıda Səfərbərlik və Hərbi Xidmətə Çağırış üzrə Dövlət Xidmətinin rəhbərinin ona verdiyi bir məlumatı səsləndirib.

İdarədən Prezidentə verilən məlumata görə, vuruşmaq istəyi ilə bağlı, cəmi 150 nəfər idarəyə müraciət edib.

Hit.Az-ın verdiyi xəbərə görə, sosial şəbəkələrdə Səfərbərlik və Hərbi Xidmətə Çağırış üzrə Dövlət Xidmətinin Prezident İlham Əliyevə doğru rəqəmləri vermədiyi bildirilir.

Buna sübut kimi təkcə ötən gün Sumqayıt Səfərbərlik və Hərbi Xidmətə Çağırış İdarəsinin qarşısına toplaşanların videosu təqdim olunur. Təkcə burada yüzlərlə insanın toplaşdığı görülür.

Həmin kadrları təqdim edirik:

Səfərbərlik və Hərbi Xidmətə Çağırış üzrə Dövlət Xidmətin rəisi Arzu Rəhimov gec də olsa, səhvini düzəltmiş kimi görünür. Və son məlumatlardan anlaşılanı budur.

"İyulun 15-də Nazirlər Kabinetinin 2020-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında “Əgər kimsə, hansısa vətənpərvər insan orduda xidmət etmək istəyirsə, mən bunu ancaq alqışlayıram”,- deyən Azərbaycan Prezidenti cənab İlham Əliyevin çağırışına səs verən minlərlə gənc Səfərbərlik və Hərbi Xidmətə Çağırış üzrə Dövlət Xidmətinin qeydiyyatda olduqları yerli idarə, şöbə və bölmələrinə gələrək könüllü olaraq orduda xidmət etmək haqqında öz arzularını ifadə edir və müvafiq qaydada qeydiyyata alınırlar".

Dia.az xəbər verir ki, bu barədə Səfərbərlik və Hərbi Xidmətə Çağırış üzrə Dövlət Xidmətindən bildirilib.

"Səfərbərlik və Hərbi Xidmətə Çağırış üzrə Dövlət Xidməti vətəndaşlarımıza göstərdikləri yüksək vətənpərvərliyə görə təşəkkürünü bildirir. Bir daha xatırladır ki, hal-hazırda Azərbaycan Silahlı Qüvvələri qanunvericiliyin tələblərinə uyğun olaraq komplektləşdirilmişdir. Azərbaycan Respublikasının ərazi bütövlüyünün müdafiəsi Azərbaycan Ordusu tərəfindən tam təmin edilir. Zərurət yarandığı halda ehtiyatda olan hərbi vəzifəlilər mövcud qanunvericiliyin tələblərinə əsasən Xidmətin yerli struktur bölmələrinə çağırılaraq ölkənin müdafiəsinin və dövlətin təhlükəsizliyinin təmin edilməsi məqsədilə müvafiq tədbirlərə cəlb edilə bilərlər", məlumatda qeyd olunub.


Paylaş: