PSJ-nin fransız futbolçusu Kilian Mbappe “Real Madrid”də bir mövsüm üçün 60 milyon avro qazanacaq.

Bu barədə “El Debate” nəşri məlumat yayıb.

Məlumata görə, Mbappe “Real Madrid”lə müqavilə imzaladığı üçün 100 milyon avro da mükafat alacaq.

Futbolçu 2024-cü ilin yayında “Real Madrid”ə keçəcək. Futbolçunun İspaniya komandası ilə müqaviləsi 6 il davam edəcək.

Qeyd edək ki, yerli mətbuat yanvarın 8-də forvardın İspaniya klubuna transferi ilə bağlı razılıq əldə olunduğunu yayıb. PSJ-nin səfiri Lor Bullo da Mbappenin “Real Madrid”ə keçidini təsdiqləyib.

Xatırladaq ki, Mbappe PSJ-də 2018-ci ildən çıxış edir. Paris klubu ilə müqaviləsi 2024-cü ilin yayında başa çatır.

Bu mövsüm o, bütün yarışlarda 27 matçda iştirak edib, 28 qol vurub və 6 məhsuldar ötürmə edib.