“Real Madrid”in prezidenti Florentino Peres yeni Superliqa yaratmaq üçün Avropanın 50-60 klubu ilə danışıqlar aparır,

Bu barədə “Vozpopuli” nəşri məlumat yayıb.

Məlumata görə, Super Liqanın üç diviziona bölünəcəyi və matçların avrokubokların keçirildiyi günlərdə keçiriləcəyi güman edilir.

Avroliqanın yaradılması üçün Avropa İttifaqı Məhkəməsinin Avropa Futbol Assosiasiyaları İttifaqı (UEFA) və Beynəlxalq Futbol Federasiyasına (FİFA) qarşı antiinhisar iddiası ilə bağlı qərarı vacib olacaq. Əgər məhkəmə UEFA və FİFA-nın futbol turnirlərindəki inhisarını qanunsuz hesab etsə, o zaman klublar hansı turnirdə çıxış edəcəklərini seçə biləcəklər. İş üzrə məhkəmə iclası 21 dekabr 2023-cü ildə keçiriləcək.

Qeyd edək ki, 2021-ci il aprelin 19-na keçən gecə İngiltərənin “Mançester Yunayted”, “Liverpul2”, “Mançester Siti”, “Arsenal”, “Çelsi”, “Tottenhem”, İspaniyanın “Barselona”, “Real”, “Atletiko”, o cümlədən İtaliyanın “İnter”, “Milan” və “Yuventus” klubları Super Liqanın yaradılmasını elan ediblər, lakin bir neçə gün ərzində əksər klublar turniri tərk etdiklərini açıqlayıblar.