2020-ci il futbol üzrə Avropa çempionatının seçmə mərhələsi çərçivəsində dördüncü oyununa çıxmaq üçün İslandiyaya gedən Türkiyə yığmasının futbolçuları gözlənilməz hadisələrlə qarşılaşıb. “Anadolu” agentliyi xəbər verir ki, bununla bağlı türkiyəli futbolçu Burak Yılmaz məlumat verib. Onun sözlərinə görə, altı saatdan çox təyyarə ilə uçduqdan sonra üç saat aeroportda gözlədilib. Futbolçu bunun səbəbini onlara açıqlamadıqlarını bildirib. Bundan başqa, jurnalistlərə açıqlama verən Türkiyə milli komandasının kapitanı Əmrə Belözoğluna islandiyalı fanatlardan biri mikrofon əvəzinə tualet fırçası uzadıb. Qeyd edək ki, İslaniya-Türkiyə oyunu sabah Bakı vaxtı ilə 22:45-də başlayacaq. İyunun 8-də Türkiyə yığması doğma meydanda son dünya çempionu Fransanı 2-0 hesabı ilə məğlub edib.


Paylaş: