Türkiyə KİV-də PKK lideri Abdullah Öcalanın terror təşkilatını təslim olmağa çağırması ilə bağlı iddialar yer alıb.

RegionXəbərləricom.az Haberler.com-a istinadla xəbər verir ki, iddiaya görə, PKK terror təşkilatının İmralıda saxlanılan liderinin təşkilatın məqsədlərindəki sapmaları və Türkiyə Silahlı Qüvvələrinin son günlər həyata keçirdiyi uğurlu əməliyyatları əsas gətirərək, yaxın günlərdə terror təşkilatını təslim olmağa çağıracağı bildirilib.

Bundan başqa, Öcalanın Qəndilə verdiyi son təlimatda regional inkişaflara paralel olaraq təşkilatın hədəflərindən sapdığını, hadisələr qarşısında məqsədlərindən uzaqlaşdığını bildirdiyi iddia edilib.

Həmçinin, PKK-ya “Təslim ol” göstərişi verdiyi iddia edilən terror liderinin yaxın günlərdə ictimaiyyətə geniş bir çağırış etməsi də gözlənilir.