Bu gün Ucarın Bağırbəyli kəndində Vətən müharibəsi şəhidi Təbriz Ehtibar oğlu Bəkirovun anım mərasimi və xatirə bulağının açılışı olub.
RegionXəbərləri.com-un verdiyi məlumata görə, tədbirdə şəhidin ailə üzvləri, Ucar rayon rəsmiləri, şəhid ailələri, qazilər, qonaqlar və rayon sakinləri iştirak edib.

Bulaq iki şəhidin Təbriz Bəkirov və onun bibisi oğlu şəhid Rəcəb Məmmədovun xatirəsinə inşa edilib.

Qeyd edək ki, Vətən müharibəsi şəhidi Təbriz Bəkirov 26 yanvar 1993-cü il tarixdə Ucar rayonun Bağırbəyli kəndində anadan olub.
Təbriz Bəkirov 2014-2015-ci illərdə Azərbaycan Silahlı Qüvvələrinin "N" saylı hərbi hissəsində müddətli həqiqi hərbi xidmətdə olub.Azərbaycan Ordusunun əsgəri olan Təbriz Bəkirov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Ağdərə istiqamətində gedən döyüşlərdə savaşıb. Təbriz Bəkirov oktyabrın 4-də Suqovuşan-Ağdərə istiqamətində şəhid olub. 10 oktyabr 2020-ci il tarixdə Bağırbəyli kənd qəbirstanlığında dəfn olunub.
Azərbaycan Prezidentinin sərəncamına əsasən Təbriz Bəkirov ölümündən sonra "Vətən uğrunda" medalı ilə təltif edilib.
Təbriz Bəkirov Azərbaycan İqtisad Universitetini bitirmişdir, subay idi.
Allah rəhmət eləsin.

Fuad Hüseynov RegionXəbərləri.com























.



Paylaş: