Əziz oxucu!
Biz müharibədə nələr edə biləcəyimizi bütün dünyaya göstərdik; həm də onu göstərdik ki, konstruktivik, humanistik, danışıqlar formatına sadiqik.
Cəbhədə üstün bir durumda qısamüddətli, humanitar atəşkəsə getdik.
Ermənilər cəsəd toplayacaq.
Biz irəli getdiyimiz üçün düşmən tərəfdə şəhidlərimiz yoxdur.
...Dövlətin və xalqın əhval-ruhiyyəsi elədir ki, bizi heç bir atəşkəs saxlaya bilməz!
Ermənilər şərtlərimizə uymasa, savaşa qaldığımız yerdən davam edəcəyik!
İyul ayında da çoxu düşünürdü, hər şey bitdi, generalımızın, şəhidlərimizin qanları batdı..
Lakin elə olmadı və Ali Baş komandan müqəddəs Vətən müharibəsinə qərar verdi. Hələ də davam edən və davam edəcək müharibəyə.
Bizim sülh şərtimiz bəlli: erməni silahlıları dərhal torpaqlarımızı tərk etsinlər, tərk etmələrinə dair qrafik təqdim etsinlər!
Bu qrafiklə razılaşmasaq, biz özümüz qrafikimizi təqdim edəcəyik!
Biz Qarabağdan, torpaqlarımızdan vaz keçməyəcəyik!
Bunu bütün dünya gördü.
Ən əsası, Ermənistanın "böyük bacıları" gördülər.
Gördülər ki, bu xalq anidən savaşa qalxır və Ermənistanın ordusunu da, illərlə qurulmuş mifi də, dövlət aparatını da darmadağın edir.
Bizi yurdumuzdan qaçqın salanları didərgin salır!
Əlində silah olanları leş edir!
İndi ermənilər və onların havadarları seçim edəcək: bizim torpaqları müharibə ilə qaytaracaqlar, yoxsa özləri üçün daha uyğun olan təslimiyyət yolu ilə...
"Yeni Müsavat"


Paylaş: