Daha abir rayonda icra hakimiyyətinin başçısı dəyişdirilə bilər. Bu barədə Dia-az.İnfo hökumətdəki mötəbər mənbədən xəbər əldə edib.

Qaynaq iddia edir ki, seçkilərə qədərki dəyişikliklər zamanı görəvdən alınacaq fiqurlardan biri də Şəki rayon icra hakimiyyətinin başçısı Elxan Usubovdur.

Mənbə bildirir ki, məhz növbədənkənar seçkilərə qədər görəvdən alınması nəzərdə tutulan Elxan Usubova bu həm də bir işarə anlamını daşıyır: "Yəni seçkilər o olmadan daha da problemsiz keçəcək".

Qeyd edək ki, yerli KİV-də adı "Ramiz Mehdiyevin kadrı" kimi hallanan Elxan Zabir oğlu Usubov 1960-cı il may ayının 26-da Mingəçevir şəhərində anadan olub və orta təhsilini də orada alıb. İxtisasca mühəndis-elektrik və iqtisadçıdır. Onlarla səmərələşdirici və elmi təklifin müəllifidir. Əmək fəaliyyətinə Şəkidə başlamış, sonralar biznes fəaliyyəti ilə məşğul olub. 2007-ci ilin dekabrından 2011-ci ilin may ayının 23-dək Ağstafa Rayon İcra Hakimiyyətinin başçısı kimi fəaliyyət göstərib. 2011-ci il may ayının 23-də Azərbaycan Respublikası Prezidentinin Sərəncamı ilə Şəki Şəhər İcra Hakimiyyətinin başçısı vəzifəsinə təyin edilib.

Dia-az.İnfo xatırladır ki, yerli KİV-də eyni zamanda Baş baş prokurorun keçmiş birinci müavini Rüstəm Usubovun əmisi oğlu olan Elxan Usubovun əmlaklarının siyahısı da açıqlanıb. Bu siyahıdan da aydın görünür ki, yola salınması planlaşdırılan icra başçısı himayədarlarının sayəsində yetərinsə sərvət toplaya bilib.

Həmin siyahını diqqətinizə çatdırırıq...

- Bakıda T.Şıxəliyev, ev 6 ünvanında mənzil

- Şəkidə L.Abdullayev, ev 36 ünvanında mənzil

- Şəkidə M.Ə.Rəsulzadə, ev 293 ünvanında mənzil

- Şəkidə 5 ədəd dəbdəbəli malikanəsi

- Şəkidəki süd zavodu

- Şəkidə fəaliyyət göstərən sanatoriyalar

- Şəkidəki "Sünbül" çörəkbişirmə sexi

- Şəki, M.F.Axundov prospektində Hotel və Restoran

- Şəki-Oğuz yolunun üstündə yerləşən istirahət mərkəzləri

- Oğuzda meşədə restoranı

- Ağstafada bir neçə obyektlər

- Mingəçevirdə obyektləri

- Bakıda, Şağan Sun City ərazisində böyük bağı

- Gürcüstanda böyük fındıq zavodu

- "CHEMİCO CO LTD" MMC şirkəti

- "A.Q.T.İ.M." MMC şirkəti (gips, mala və əhəng istehsalı)

- Bunlardan əlavə, siyahıya Şəkidə bir neçə iaşə-ticarət obyektləri, fərdi yaşayış sahələri və hektarlarla torpaq sahələri də daxildir.