İsrailin Baş naziri Benyamin Netanyahu hərbçilərə Qəzza zolağının cənubundakı Rəfah şəhərindən bir milyondan çox insanın təxliyəsi planını təqdim etməyi əmr edib.

Bu barədə CNN baş nazirin ofisinə istinadən məlumat yayıb.

Netanyahu bildirib ki, İsrail Müdafiə Qüvvələrinin qurudan müdaxilə təhlükəsi ilə əlaqədar Rəfahın mülki əhalisini təxliyə etmək planı hazırlanmalıdır. Siyasətçinin sözlərinə görə, HƏMAS hərəkatının dörd batalyonu şəhərdə qalmaqda davam edir və döyüş bölgəsində insanlar olduğu halda onların məhv edilməsi əməliyyatı mümkün deyil.

Netanyahunun ofisinin saytında dərc edilmiş bəyanatda deyilir:

“Bu səbəbdən Baş nazir İsrail Müdafiə Nazirliyi və təhlükəsizlik xidmətlərinə Nazirlər Kabinetinə ikili plan təqdim etməyi tapşırdı – həm əhalinin təxliyəsi, həm də HƏMAS batalyonlarının ləğvi”.