Kanada “Qazprom” şirkətinin rəhbərliyinin üzvləri də daxil olmaqla 35 rusiyalıya, həmçinin Rusiyanın enerji sektorunda fəaliyyət göstərən 6 şirkətə qarşı sanksiya tətbiq edib.

Bunu Kanadanın Baş naziri Castin Trüdo deyib.

“Biz sanksiya siyahısına daha 35 şəxsi, o cümlədən “Qazprom” dövlət enerji şirkəti rəhbərliyinin nüfuzlu üzvlərini əlavə edirik, həmçinin energetika sektorunda altı müəssisəyə məhdudiyyətlər tətbiq edirik”, - Trüdo deyib.

Kanada Baş nazirinin sözlərinə görə, Ottava Rusiyanın Ukraynadakı xüsusi hərbi əməliyyatını dəstəkləyən hər kəsə qarşı “vintləri sıxmaqda” davam edəcək.

Bundan əvvəl Kanada Rusiya Prezidentinin köməkçisi Vladimir Medinskini, "Zvezda" telekanalını, eləcə də bir sıra KİV nümayəndələrini sanksiyalar siyahısına daxil edib.