Kanada hökuməti Ukraynanı ağır artilleriya ilə təmin edib.

Bu barədə Kanada Müdafiə Nazirliyinin dərc etdiyi bəyanatda deyilir.

“Kanada Ukraynanın tələb etdiyi kimi, Ukrayna təhlükəsizlik qüvvələrini ağır artilleriya ilə təmin edib”, - nazirlik bildirib.

Mətndə qeyd olunur ki, söhbət atış məsafəsi 30 km-ə qədər olan 155 millimetrlik M777 haubitsalarından gedir. Silahlar Kanada Silahlı Qüvvələrinin anbarlarından götürülüb.

Bundan əlavə, Ottava artıq təhvil verilmiş tank əleyhinə qumbaraatanlar üçün Kiyevə əlavə döyüş sursatları göndərib, həmçinin zirehli texnikanın tədarükü və pilotsuz uçuş aparatlarında videokameraların saxlanması məsələsini öyrənir.

Qeyd edək ki, bu həftənin əvvəlində Kanadanın Baş naziri Castin Trudeau Ottavanın Kiyevə ağır artilleriya bağışlayacağını bildirmişdi.