Çexiyada koronavirusa yoluxma hallarının sayındakı kəskin artım səbəbilə yeni məhdudiyyətlər tətbiq olunacaq.

Bu gün məsələ ilə bağlı qərar qəbul edib.

Belə ki, hökumət ölkədə ən yüksək epidemioloji təhlükə olan 5-ci səviyyəni elan edib.

Çexiya səhiyyə naziri Yan Blatnı mətbuat konfransında yeni məhdudiyyətlər barədə danışıb.

"Nazirlər Kabinetinin qərarına görə, Çex Respublikasında 27 dekabrdan etibarən qida, ev əşyaları dükanları, apteklər və istehlakçı xidmətlər istisna olmaqla bütün mağazalar bağlanacaq. Vətəndaşların hərəkəti məhdudlaşdırılaraq, ən çox iki nəfərdən ibarət qruplarla toplaşmağa icazə veriləcək”.

Qeyd edək ki, ölkədə həmçinin komendant saatı da uzadılıb - 21.00-dan 05.00-dək küçəyə çıxmaq qadağan olacaq.

Çexiyada bu günə qədər 646,3 min insanda koronavirus aşkarlanıb, 10 664 nəfər vəfat edib.


Paylaş: