Birləşmiş Ştatların Merilend ştatında polis qüvvələri prezident Trampın koronavirusdan müalicə edildiyi Uolter Rid adına hərbi hospitalın ətrafında şübhəli çantaya görə yolu bağlayıb.

Bu barədə "CNN" telekanalı məlumat yayıb.

Hadisə ilə əlaqədar ABŞ liderinin tərəfdarlarının tibb mərkəzinin yaxınlığındakı dəstək aksiyası dayandırılıb.

Bundan sonra əraziyə bombaların zərərsizləşdirilməsi üzrə dəstə və asayiş keşikçiləri kinoloji itlərlə gəlib. Modern.az-ın yazdığına görə, onlar əşyanı yoxlayıblar, onun təhlükəsizliyindən əmin olduqdan sonra Trampın tərəfdarlarına öz təntənəli yürüşlərini davam etdirməyə icazə veriblər.


Paylaş: