Xəbər verdiyimiz kimi, Gürcüstan parlamenti ölkənin yeni Baş naziri İrakli Kobaxidzenin rəhbərlik etdiyi hökumətin tərkibinə təsdiqləyib.

Gürcüstanın yeni hökumətində baş nazir və onun 2 müavinindən başqa 10 nazir təmsil olunacaq.

Qeyd edək ki, Gürcüstan nazirliklərin sayına görə Cənubi Qafqaz ölkələri arasında sonuncu yerdə qərarlaşıb. Belə ki, Azərbaycanda 17, Ermənistanda isə 12 nazirlik fəaliyyət göstərir.

Yaş etibarı baxımından isə ən yaşlı nazirlər Azərbaycanda, ən gənc nazirlər isə Ermənistandadır. Azərbaycanda baş nazir, müavinləri və nazirlərin orta yaş həddi 55,2-yə, Gürcüstanda 45-ə, Ermənistanda isə 43,8-ə bərabərdir.

Azərbaycan, Ermənistan və Gürcüstanda baş nazir, müavinləri və nazirlər arasında ən yaşlısı Azərbaycan Baş nazirinin müavini Yaqub Eyyubov, ən gənci isə Ermənistanın yüksək texnologiyalar sənayesi naziri Mxitar Ayrapetyan hesab olunur. Yaqub Eyyubovun 79, Mxitar Ayrapetyan isə 34 yaşı var. 

Azərbaycan, Ermənistan və Gürcüstanda baş nazir, müavinləri və nazirlərin adları və yaşlarını təqdim edirik:

Azərbaycanda:

Baş nazir Əli Əsədov – 68

Baş nazirin müavini Yaqub Eyyubov – 79

Baş nazirin müavini Əli Əhmədov – 71

Baş nazirin müavini Şahin Mustafayev – 59

Daxili işlər naziri Vilayət Eyvazov – 56

Ekologiya və təbii sərvətlər naziri Muxtar Babayev – 57

Energetika naziri Pərviz Şahbazov – 55

Ədliyyə naziri Fikrət Məmmədov – 69

Əmək və əhalinin sosial müdafiəsi naziri Sahil Babayev – 44

Fövqəladə hallar naziri Kəmaləddin Heydərov – 63

Gənclər və idman naziri Fərid Qayıbov – 45

Xarici işlər naziri Ceyhun Bayramov – 51

İqtisadiyyat naziri Mikayıl Cabbarov – 48

Kənd Təsərrüfati naziri Məcnun Məmmədov – 41

Maliyyə naziri Samir Şərifov – 63

Mədəniyyət naziri Adil Kərimli – 45

Müdafiə naziri Zakir Həsənov – 65

Müdafiə sənayesi naziri Vüqar Mustafayev – 38

Rəqəmsal inkişaf və nəqliyyat naziri Rəşad Nəbiyev – 47

Səhiyyə naziri Teymur Musayev – 54

Elm və Təhsil naziri Emin Əmrullayev – 42

Ermənistanda:

Baş nazir Nikol Paşinyan – 49

Baş nazirin müavini Mqer Qriqoryan – 52

Baş nazirin müavini Tiqran Xaçatryan – 54

Daxili işlər naziri Vaqe Kazaryan – 50

Səhiyyə naziri Anait Avanesyan – 43

Müdafiə naziri Suren Papikyan – 38

Ətraf mühit naziri Akop Simidyan – 40

Əmək və əhalinin sosial müdafiə naziri Narek Mkrtçyan – 35

İqtisadiyyat naziri Vaan Kerobyan – 48

Yüksək texnologiyalar sənayesi naziri Mxitar Ayrapetyan – 34

Xarici işlər naziri Ararat Mirzoyan – 45

Təhsil, elm, mədəniyyət və idman naziri Janna Andreasyan – 43

Ərazi idarəetmə və infrastruktur naziri Qnel Sanosyan – 41

Maliyyə naziri Vaqe Ovanisyan – 44

Ədliyyə naziri Qriqor Minasyan – 41

Gürcüstanda:

Baş nazir İrakli Kobaxidze – 46

Baş nazirin müavini Teya Çulukiani – 49

Baş nazirin müavini Levan Davitaşvili – 46

Xarici işlər naziri İlia Darçiaşvili – 43

Maliyyə naziri Laşa Kutsişvili – 39

Gürcüstanın regional inkişaf və infrastruktur naziri İrakli Karseladze – 46

Ədliyyə naziri Rati Bregadze – 42

Daxili işlər naziri Vaxtanq Gomelauri – 49

Müdafiə naziri İrakli Çikovanti – 44

Ətraf mühitin mühafizəsi və kənd təsərrüfatı naziri Otar Şamuqia – 48

Təhsil, elm və gənclər naziri Giorgi Amilakvari – 40

İşğal olunmuş ərazilərdən olan məcburi köçkünlər, əmək, səhiyyə və sosial işlər naziri Zurab Azaraşvili – 45

Barışıq və vətəndaş bərabərliyi üzrə dövlət naziri Tea Akhvlediani – 49