"Patriot" media holdinqi - Yevgeni Priqojinin trol fabriki bir həftədir ki, fəaliyyət göstərmir və yaxın gələcəkdə sahibini dəyişə bilər.

RegionXəbərləricom.az “AzPolitika.info”ya istinadla xəbər verir ki, bu barədə “The Bell” nəşri Priqojinin media strukturlarının keçmiş və indiki əməkdaşlarına istinadən yazıb.

Mənbə bildirib ki, ötən həftə baş verən qiyamdan sonra Priqojinin rəhbərlik etdiyi “Patriot” media holdinqinin əməkdaşlarının əksəriyyəti Sankt-Peterburqdakı qəyyumlar şurasına işə gəlməyiblər. Eyni zamanda holdinqin binasında axtarış aparılıb, hüquq-mühafizə orqanlarının əməkdaşları serverləri ələ keçirərək aparıblar.

Nəşrin həmsöhbətlərindən biri deyib: "Əgər veb saytlarda və sosial şəbəkələrdə yenilikləri görürsənsə, deməli bu, ayrı-ayrı komandaların təşəbbüsüdür, daha mərkəzləşdirilmiş idarəetmə yoxdur".

Priqojinin üsyanı başlayanda onun media aktivlərini Sankt-Peterburqda “RİA Novosti” və “Komsomolskaya Pravda”nın keçmiş əməkdaşı İlya Qorbunov idarə edirdi”, - “The Bell” yazıb.

Nəşrin iki həmsöhbətinin sözlərinə görə, həftənin əvvəlində Qorbunov, Priqojinin 2019-cu ildə yaratdığı “Patriot” media holdinqinin potensial yeni sahibləri ilə danışıqlar aparırdı. Buraya "trol fabriki"nin əsas mediası - Federal Xəbər Agentliyi (RİA "FAN"), həmçinin "Economy Today", "Politics Today", "Nevsky News", "Xalq xəbərləri" və s. dazildir. Üsyan başlayandan sonra Rusiyada RİA FAN saytı bloklanıb.

Priqojinin şirkətləri ilə əməkdaşlıq edən “The Bell”in üç mənbəsi Yuri Kovalçukun rəhbərlik etdiyi Milli Media Qrupunu (NMG) “Patriot” holdinqinin ən çox ehtimal olunan yeni sahibi hesab edir.