Türkiyənin məşhur aşpazı Burak Özdemir (CZN Burak)  sosial şəbəkə hesabında ağlayaraq insanlardan yardım istəyib. 

Aşpaz dağıntılar altında qalanlar üçün özünün də yardım göndərdiyini deyərək, hər kəsi buna səsləyib:

“İndi mağazaya gəldim. Hazırlıqlarımız davam edir. Hataya, Adıyaman və Maraşa tırlarımızı yollayacağıq. Yolların vəziyyətindən bixəbərik, amma onlara yardımımızı göndərəcəyik. Kaş ki, hazır təyyarə olsaydı, yardımızı aparardıq, amma indi bu yoxdur. Bişirdiyimiz çörəkləri göndərəcəyik. Çox xahiş edirəm, hamı əlindən gələn köməyi etsin. Dünəndən mənə çox mesaj gəlir. İnanın ki, heç nə edə bilmirəm (ağlayır). Çünki orada deyiləm. Bilmirəm, necə olacaq? Ümid edirəm ki, hər kəs dağıntılar altından sağlam çıxa biləcək.

Xahiş edirəm, yardımlarınızı əsirgəməyin. Hazırda dağıntılar altında çox sayda insan var. Həqiqətən vəziyyətləri olduqca pisdir. Bir sıra mesajlar gəlir. Amma heç nə edə bilmirik. Lütfən hər kəs əlindən gələni etsin”.

Həmin görüntüləri təqdim edirik: