Onlar bu dünyaya ataları şəhid olandan sonra gəliblər. Əksəriyyətinə də atalarının daşıdığı əzəmətli adlar verilib. Bəziləri isə onlara qoyulan adlarla zəfəri, davamiyyəti, əbədiyyəti simvolizə edir: Şuşa, Nişanə, Cənnət kimi...

Hətta atasının adını böyüdəni belə olub, Kamrana kimi...

“Qafqazinfo” məhz 1 İyun Uşaqların Beynəlxalq Müdafiəsi Günü ərəfəsində ataları Vətən müharibəsində şəhid olandan sonra dünyaya gələn uşaqlarla bağlı sənədli film hazırlayıb. 

Xəbəri rus dilində oxuyun: Они родились после того, как их отцы стали шехидами… - Документальный фильм

Filmdə əsas xətt bu körpələrin atasız qalmaqlarına baxmayaraq, onların öz şəcərələrinin həm genetik, həm də mənəvi davamçıları olmağıdır. 

Bizə əmanət qalan azyaşlıların hər biri eyni zamanda atalarının yarım qalan arzularının yenidən çiçəklənməsi, davamıdır.

“Nar”ın dəstəyi ilə ərsəyə gələn “Sonbeşiklər” adlı filmdə atalarının şəhidliyindən sonra doğulan 102 uşaqdan 13-ü lentə alınıb.

Videonu instaqram, yutub, teleqram və feysbuk kanallarımızdan da izləyə bilərsiz.

Sözügedən filmi Zəfər Günü münasibətilə bir daha təqdim edirik: