Kiyevə yeni hava hücumundan müdafiə sistemləri (HHM) artıq gəlib. 

Bu barədə şəhər meri Vitali Kliçko məlumat verib.

“Hərbçilər məni əmin etdilər ki, indi yeni hava hücumundan müdafiə vasitələri paytaxta gəlib. Səma daha çox qorunacaq”, - deyə o qeyd edib.

Kliçko hansı HHM sisteminin gəldiyi və fəaliyyətə başladığını olduğunu açıqlamayıb.

Xatırladaq ki, oktyabrın 25-də “Raytheon Technologies” şirkətinin rəhbəri Qreq Hayes ABŞ-ın ilk iki NASAMS zenit-raket kompleksini (SAM) Ukraynaya təhvil verdiyini açıqlayıb. O, danışıqların müntəzəm olaraq davam etməsinə baxmayaraq, ABŞ-ın Ukraynaya “Patriot” hava hücumundan müdafiə sistemlərinin göndərilməsinə hələlik razılıq vermədiyini bildirib.