Buzlağın əriməsi qış turizminə ağır zərər vurub

İsveçrədə iqlim dəyişikliyinin fəsadları özünü dağ xizək kompleksində göstərib. Rəsmilər Daxştayn buzlağında xizək üçün nəzərdə tutulan ərazilərdə buzun əridiyini, ərazinin xizək sürmək üçün yararsız hala düşdüyünü bildiriblər. Sözügedən ərazidə bəzi yerlərdə 5 metr dərinlikdə ərimənin olduğu ifadə olunur. Ekspertlər vəziyyətin qış turizminə ağır zərər vurduğunu deyiblər.

Bu mənada Ron buzlağı xüsusi diqqət cəlb edir. 2015-ci ildə burada müşahidə olunan buzun qalığı ilə indiki arasında nə qədər böyük fərqin olduğu aydın görünür.

Ümumiyyətlə, Alp dağlarının bütün məşhur buzlaqlarının sürətlə ərdiyi bildirilir.

Misal üçün, Almaniyada buzlaqlar, demək olar ki, tamamilə yoxa çıxıb. taliyada isə buzlaq uçqunları artıb. İyul ayında baş vermiş uçqun nəticəsində 11 nəfər ölüb. Ekspertlər hazırkı sürətlə Alp dağlarındakı buzlağın əksər hissəsinin əsrin sonuna qədər tamamilə əriyib yox olacağını proqnozlaşdırıblar. Bu arada, Almaniya və digər bir neçə Avropa ölkəsində “Cümələr Gələcək üçün” şüarı ilə növbəti iqlim yürüşləri həyata keçirilib.

Fəallar iqlim dəyişikliyinin qarşısını almaq üçün hökumətləri tədbir görməyə çağırıblar.