Rusiya və MBD ölkələrində populyarlıq qazanmış azərbaycanlı müğənni Jony Rusiya şəhərlərində bir neçə konsertini ləğv etdiyini açıqlayıb.

Bu barədə o, instaqramda bildirib.

Söhbət müğənninin sentyabrın əvvəlində Rostov-na-Donu, Volqoqrad, Kostroma, İvanovo, Yaroslavl şəhərlərində baş tutmalı olan çıxışlarından gedir.

“Yeni materialla və yeni formada qayıtmaq üçün əvvəlki kimi bərpa olunuram, sağlamlığımla məşğul oluram və sizin üçün yeni mahnılar yazıram”, - o qeyd edib.

Jony ümid edir ki, pərəstişkarları onu başa düşəcək: “Əgər kiminsə planlarını korladımsa, bağışlayın, amma bu, məcburi tədbirdir, bunsuz irəli gedə bilməyəcəyəm”.

O qeyd edib ki, alınmış biletlər konsertlərin yeni tarixlərində keçərli olacaq.