Ötən günlərdə evlənən amerikalı kinoaktyor Ben Afflek və müğənni Cennifer Lopezin toyundan video yayılıb.

Kadrlarda müğənni rəqqasların əhatəsində həyat yoldaşı üçün indiyədək heç yerdə səslənməyən “Can't get enough” (“Səndən doya bilmirəm”) mahnısı ifa edir.

Toyda heç kimə çəkiliş etmək icazə verilmədiyi halda görüntülərin yayılması CeyLonu özündən çıxarıb: “Bunu edən bizim intim anımızı öz məqsədləri üçün istifadə edib. Bunu necə etdiyinizi təsəvvür edə bilmirəm. Axı hamınız yaymacağınıza dair razılaşmanı imzalamışdız və biz qonaqlardan sosial şəbəkədə heç nə yerləşdirməməyi xahiş etmişdik. Nəyi paylaşacağımıza özümüz qərar verməliyik”.

Cey Lo qeyd edib ki, fanatları ilə bölüşməyə hazır olduğu şeyləri zamanı gələndə “On The Jlo” bloqunda paylaşır. Onun sözlərinə görə, toydan olan video onun xəbəri olmadan oğurlanıb və pula satılıb.

Qeyd edək ki, Cey Lo toydan sonra bloqunda yalnız gəlinlikləri haqda yazıb və fotolarını paylaşıb.