Xəbər verdiyimiz kimi, Azərbaycanda unun və çörəyin qiyməti bahalaşıb. Daha əvvəl isə sahibkarlardan bəziləri yerli mətbuata verdikləri açıqlamalarda un ehtiyatlarının əvvəlki həftələrlə müqayisədə azaldığını bildirmişdilər.

Yeniavaz.com xəbər verir ki, bu hadisələrin fonunda sosial şəbəkələrdə yayılan kadrlar məsələ ətrafındakı müzakirələri biraz da alovlandırıb. Belə ki, kadrlarda Quba rayonunda xeyli sayda insanın un almaq üçün növbəyə girməsi əks olunub.

Kadrlar qısa müddət ərzində bir çox istifadəçi tərəfindən paylaşılıb və insanlar un almaq üçün sıraya girənlərin sayının çox olmasını müzakirə ediblər. Görüntüləri lentə alan şəxs də, Qubada un ehtiyatının qalmadığını və növbənin buna görə yarandığını bildirib.

Sözügedən kadrları təqdim edirik: