Sosial şəbəkələrdə təhsil eksperti Kamran Əsədovun söyüşlü şərh yazması barədə paylaşımlar edilib.

Regionxeberlericom.az cebhe.info-ya istinadla xəbər verir ki, sözügedən yazıda ekspertin kimisə təhqiredici ifadələrlə hədəf aldığı açıq- aydın görünür.

İzləyicilər bu söyüşlü ifadələri təhsil ekspertinə yaraşdırmayıblar.

Saytımıza danışan Kamran Əsədov şərhin ona aid olmasını təsdiqləyib: "Bununla bağlı mətbuatda deməmişəm, heç bir açıqlama vermək istəmirəm. Bəli, mən yazmışam".

Təhsil eksperti sözügedən yazını şərhdə şəbəkə istifadəçilərindən birinə cavab olaraq yazdığını bildirib: "Belə deyək, insanları başa salmaqdan ötrü elə yazmışam".