"Mənim də pis günlərim olub. Həyatımı hamı bilir. Vaxt olub ki, hər iki qardaşımı götürüb, yerdə uzanmışıq ki, "Biz öləcəyik". O günlər olub. Ona görə deyirəm ki, Allah insanın ruzisunu versin. Ruzisini versin ki, insan öz ailəsini saxlaya bilsin".  

Bu sözləri "Elgizlə İzlə" ictimai-sosial proqramda ekspert qismində iştirak edən vəkil Şəfiqə Nağıyeva deyib.

Ş.Nağıyevanın göz yaşı içində çıxışı digər ekspert, Xalq artisti Vahid Əliyevi qıcıqlandırıb. Canlı efirdə vəkilin sözləri aktyorun boğazından keçməyib.

İkili arasında canlı efirdə çaxnaşma yaşanıb: 

"Elgiz, mən sizdən indiyə kimi heç zaman maddiyyat güdməmişəm, istəməmişəm. Mən burada dava axtarmıram" deyə V.Əliyev fikrini bildirib. Şəfiqə Nağıyeva isə Vahid Əliyevə cavab olaraq "Bu mənimlə dava axtarır. Mən vəkiləm. Mənimlə dava edə bilməzsən. Mənimlə söz güləşdirə bilməzsən" deyib.