Cənab Prezidentin tapşırığı ilə Arif Quliyevin məzar daşı hazırlanıb.

Bu barədə Yenicag.az-a açıqlamasında aktyorun ailəsindən bildirilib:

“Cənab Prezidentin tapşırığı ilə aidiyyatı qurum ailəmizlə əlaqə saxladı və artıq məzar daşı hazırdır. Arif Quliyevin adına layiq bir məzardaşıdır, ailəmiz adından dövlətimiz və cənab Prezidentimizə dərin minnətdarlığımızı bildiririk. Eyni zamanda Yenicag.az saytına, bizə dəstək nümayiş etdirən aktyor Natiq Fərzəliyevə təşəkkür edirik ki, bu məsələni gündəmə gətirdiniz və tez bir vaxtda problemimiz həllini tapdı”.

Aktyorun sənət dostu Natiq Fərzəliyev də saytımıza açıqlamasında minnətdarlığını ifadə edib:

“Dövlətimiz və cənab Prezidentimizə dərin minnətdarlığımızı bildiririk ki, səsimizə səs verdilər və sənət dostumun məzar daşı hazırlandı. Bu məsələni mətbuatda işıqlandırdığına görə Yenicag.az saytına təşəkkür edirəm”.

Xatırladaq ki, xalq artisti Arif Quliyev Qaradağ rayonu “Qurd qapısı” qəbiristanlığında dəfn olunub.




Paylaş: