“S7” Hava Yolları Novosibirsk ilə Azərbaycanın paytaxtı Bakı arasında reyslər həyata keçirir, bu barədə aviaşirkətin mətbuat xidməti məlumat yayıb.

Rusiya mediası bildirir ki, Novosibirsk və Bakı arasında uçuşlar həftədə bir dəfə həyata keçiriləcək.

Mart ayında uçuşlar həftəlik olacaq. Aprelin 3-dən etibarən reyslərin sayının həftədə ikiyə çatdırılması planlaşdırılır.

Bundan əlavə, aviaşirkət Sibirin paytaxtından Qazaxıstanın Ust-Kamenoqorsk şəhərinə uçuşları bərpa edəcək. Martın sonunadək reyslər çərşənbə axşamı və cümə axşamı, aprelin 2-dən isə çərşənbə axşamı və şənbə günləri yerinə yetiriləcək.