İranın son bir ayda Ermənistana 63 ədəd Rusiya istehsalı olan “T-72” tankları və 16 ədəd “Shahed 136” kamikadze-dronlar verib. Regionxeberlericom.az JAMAZ.İNFO-ya istinadla xəbər verir ki, həmin texnikalar hissə-hissə Nordoz Gömrük Keçid Məntəqəsindən Mehriyə, oradan da İrəvana daşınıb.

Aldığımız məlumata görə, həmin tankların bir qismi artıq Azərbaycanla sərhəddə yerləşdirilib. Bunu həm Azərbaycan, həm də Ermənistan Müdafiə Nazirlikləri təsdiq edib. Belə ki, Azərbaycan MN bir neçə gün əvvəl ermənilərin Daşkəsən istiqamətində sərhəddə əlavə hərbi texnika və 4 ədəd uzaqvuran artilleriya qurğusu yerləşdiridiyini bildirib.

Bir başqa məlumata görə, İrandan alınan tankların bir qismi isə Naxçıvan sərhəddinə yerləşdirilib ki, orada da son zamanlar ermənilərin əlavə qüvvə cəmləməsi müşahidə olunur.

İstisna deyil ki, İran təkcə bunları deyil, digər silahları da Ermənistana ötürüb. Bəs, İran Ermənistana hansı silah və hərbi texnikanı verə bilər? JAMAZ.İNFO-nun qısa araşdırması nəticəsində İranın Ermənistana gələcəkdə verə biləcəyi silahla və hərbi texnika aşağıdakılar ola bilər:

– İran yerli müdafiə sənayesinin istehaslı olan minaatanlar. Bundan əvvəl də bu silah ermənilərə verilmişdi. II Qarabağ savaşında da təsdiqini tapmışdı;

– S-300 Havadan Müdafiə Sistemi bazasında hazırlanmış Bavar-373 HMS;

– Belarusiyadan aldığı D-20 və D-30 topları;

– “Geran” kəşfiyyat və hücum PUA-ları.

– BMP-3-ün bazasında hazırlanmış yerli istehsal olan Zirehli Döyüş Maşını;

– Özünün yerli istehsalı olan “Zülfüqar” tankı;

– 45-70 km məsafəni vura bilən yerli istehsal olan raketlər.