Ukrayna Prezidenti Volodimir Zelenski yenidən ölkəsindəki müharibədə iştirak edən ruslara müraciət edib.

O, bu barədə müharibənin 224-cü gününün sonunda yaydığı videomüraciəti zamanı danışıb.

Zelenski ruslara müraciətində deyib ki, onlar artıq məğlub olublar və Ukraynaya qarşı müharibədə onlara heç nə kömək etməyəcək. O bildirib ki, Putin rejiminin apardığı müharibə və səfərbərlik Rusiya xalqı üçün bütün perspektivləri məhv etmək məqsədi daşıyır.

Zelenski deyib ki, ukraynalılar nə üçün mübarizə apardıqlarını bilirlər və getdikcə daha çox Rusiya vətəndaşı sadəcə bir nəfər müharibəni bitirmək istəmədiyi üçün ölməli olduğunu anlayır.

“Kimin qalib gələcəyi bəllidir”, - deyə, Ukrayna prezidenti müraciətini sonlandırıb.