Avropa Komissiyası Avropa İttifaqına (Aİ) üzv dövlətləri təbii qaz tədarükünü artırmaq üçün İsrail və Misirlə müqavilə bağlamağa dəvət edib.

Bu barədə cümə axşamı “Reuters” agentliyi məlumat yayıb.

“Avropa İttifaqına tədarük olunacaq təbii qaz ya Misirdən ya İsraildən, ya da Şərqi Aralıq dənizi regionundakı hər hansı digər mənbədən, o cümlədən regionda yerləşən Aİ-yə üzv dövlətlərdən gələcək” – deyə bildirilib.

Məlumata görə, saziş üç tərəf arasında əməkdaşlıq prinsiplərini müəyyən edir. İmzalandığı gündən doqquz il müddətində qüvvədə olacaq, lakin bu müddəa hələ təsdiqlənməyib və dəyişə bilər.