ABŞ dövlət katibi Marko Rubio “xristianlıq əleyhinə baxışlara” görə anonim məlumat verilməsini tələb edir.

Globalinfo.az xəbər verir ki, bu barədə “Politico” məlumat yayıb.

Nəşrin məlumatına görə, Rubionun göstərişi ilə ölkənin bütün səfirliklərinə teleqram göndərilərək əməkdaşlardan “xristianlıq əleyhinə yanaşma və ya ayrı-seçkilik hallarına” dair anonim şəkildə məlumat vermələri tələb olunub.

Məlumat verənlərdən hadisənin baş verdiyi bölməni və ya ofisi, eləcə də adlar, tarixlər və yerlər kimi mümkün qədər ətraflı məlumat təqdim etmələri istənilib.

Nəşr yazır ki, bu göstəriş ABŞ diplomatik korpusunda təəccüb və narahatlıqla qarşılanıb.