Ondan başqa hamı Fuad Poladovu, Amaliya Pənahovanı və Zərnigar Ağakişiyevanı ayaqüstə alqılşladılar

2018-ci ilin yekunlarına görə “Golden People Awards” mükafatlarının təqdimat mərasimi Bakı Boulevard Hotel-də baş tutdu. Mükafatçılar arasında xalq artisti Faiq Ağayev də var idi. Bizimyol.info müxbiri xəbər verir ki, Faiq Ağayev səhnəyə çıxarkən, mükafat alarkən salondakılar onu alqışlasa da, başqa bir xalq artisti Flora Kərimova alqışlara qoşulmayıb. Bundan başqa Faiq Ağayev ötən il dünyasını dəyişmiş görkəmli incəsənət xadimlərinin – Fuad Poladovun, Amaliya Pənahovanın və Zərnigar Agakişiyevanın xatirəsini yad etmək və mərhum sənətkarları ayaq üstə alqışlamaq təklifini irəli sürəndə hamı ayağa qalxsa da, Flora Kərimova yerindən qalxmayıb.

Bakunews.az xəbər verir ki, Flora Kərimovanın özünə də “Golden People Awards” mükafatı təqdim olunub. Ancaq Rusiyanın Azərabaycanda fəaliyyət göstərən, bu yaxınlarda Azərbaycanda ermənilərin maraqlarına xidmət etməsi barədə qalmaqalla gündəmə gəlmiş Sputnik Azərbaycan Beynəlxalq İnformasiya Agentliyi də Flora Kərimovaya xüsusi sürpriz mükafatını təqdim edib. Gecənin kuryozlarından biri də səhnədə rus dilində danışanlara yerdən: “Azərbaycanca danışın” iradı olub. Buna görə Flora Kərimova da Sputnik-in Azərbaycanlı təmsilçisinə rus dilində təşəkkür edəndə: “Indi mənə də rus dilində danışdığıma görə irad tutacaqlar” dedi.


Paylaş: