“Əl-Nəsr”in hücumçusu Kriştiano Ronaldo komandasının Səudiyyə Ərəbistanı Superkubokunda “Əl-Hilal”a 1:4 hesabı ilə məğlub olduğu oyundan sonra mükafatlandırma mərasimində iştirak etməyib.

Bu barədə “Essentially Sports” məlumat yayıb.

Ronaldo final fitindən dərhal sonra meydanı tərk edib və mükafatlandırma mərasiminə qayıtmayıb. 

Qeyd edək ki, Superkubok matçında portuqaliyalı hücumçu 1 qol vurub.

Xatırladaq ki, 39 yaşlı Ronaldo 2023-cü ilin yanvarından Səudiyyə Ərəbistanının “Əl-Nəsr”  klubunda çıxış edir. 2023/2024 mövsümündə o, bütün turnirlərdə 45 oyuna çıxıb, 44 qol vurub, 13 məhsuldar ötürmə edib. Həmçinin forvard Səudiyyə Ərəbistanı Pro Liqasında 35 qol vurub.