Qubada keçmiş ər arvadını öldürmək istəyib.

Rayon prokurorluğundan  verilən məlumata görə, aprelin 25-də Səbətlər kənd sakini Gülnar Muradovanın yaşadığı evdə xəsarətlər alması barədə prokurorluğa məlumat daxil olub.

Araşdırmalarla müəyyən edilib ki, zərərçəkmişin keçmiş əri, 1984-cü il təvəllüdlü Elşən Muradov qayınanasına məxsus evə gələrək balta ilə Gülnar Muradovanın baş nahiyəsinə 2 dəfə zərbə endirib. Gülnarın yerə yıxılmasından sonra onu boğmaq istəyərkən qızı A.Muradovanın stəkanla Elşən Muradovun baş nahiyəsinə zərbə endirməsi səbəbindən o, cinayət əməlini başa çatdıra bilməyib.

Faktla bağlı qəsdən adam öldürməyə ittihamı ilə cinayət işi başlanıb. Elşən Muradov şübhəli şəxs qismində tutulub, istintaq davam etdirilir.