Ermənistan polisinin noyabrın 26-ı axşam saatlarında keçirdiyi xüsusi əməliyyat nəticəsində 10-dan çox kriminal aləmin nümayəndəsi saxlanılıb.
Bu barədə “Shamshyan.com” nəşri məlumat yayıb.
Nəşrin məlumatına görə, ümumilikdə, 16 nəfər saxlanılıb: “Boqo” ləqəbli Ruben Kostanyan, “Alo” ləqəbli Aleksandr Makaryan, “Zap” ləqəbli Andranik Soqoyan, “Sevo” ləqəbli Armen Manukyan, həmçinin Artem Arutyunov (“Artem Kanevski”), Ara Banduryan (“Noratustsi Aro”) və bir çox başqa şəxslər də hüquq-mühafizə orqanlarının əməkdaşları tərəfindən saxlanılıb. 
Saxlanılan şəxslərin mənzillərində məhkəmənin qərarı ilə axtarışlar aparılıb. Mənzillərdən atıcı və kəsici-deşici silahlar, gülləkeçirməz jiletlər, patronlar və s. vasitələr tapılıb.