Cəlilabad rayonunda arvadını qətlə yetirməkdə ittiham olunan Qədirağa Mirzəyevin cinayət işi üzrə ibtidai istintaq başa çatıb.

Demokrat.az xəbər verir ki, cinayət işi baxılması üçün Lənkəran Ağır Cinayətlər Məhkəməsinə göndərilib.

Cinayət işi araşdırılması üçün hakim Oruc Cəlilovun icraatına verilib.

Məhkəmənin hazırlıq iclası avqustun 17-ə təyin olunub.

İttiham görə, qətl hadisəsi Cəlilabad rayonunun Uzuntəpə kəndində baş verib.

Kənd sakini Qədirağa Mirzəyev həyat yoldaşı Yəmən Mirzəyevanı küt alətlə yaydığı yerdə qətlə yetirib. Hadisə yerinə hüquq-mühafizə orqanlarının əməkdaşları tərəfindən məhkəmə-tibb ekspertinin iştirakı ilə baxış keçirilib.

Qətli törətməkdə şübhəli bilinən Qədirağa Mirzəyevin ruhi-əsəb xəstəliklərindən əziyyət çəkdiyi bildirilir.

İstintaq orqanı tərəfindən Qədirağa Mirzəyevin barəsində Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülməsi ilə bağlı adam öldürmə) maddəsi ilə ittiham elan olunub.


Paylaş: