Masallı Rayon İcra Hakimiyyəti yanında İctimai Şuranın üzvü, “Cenubunsesi.az” xəbər portalının təsisçi və baş redaktoru Mərhəmət Lələyevi zəhərləyiblər.

İyul ayının 27-si işdən gələrək yuxuya gedən baş redaktoru axşam saatlarında ailə üzvləri oyatmaq istəsələrdə o ayılmayıb.

Evə çağrılan təcili tibbi yardım briqadası Mərhəmət Lələyevi Lənkəran Rayon Mərkəzi Xəstəxanasının Reanimasiya şöbəsinə yerləşdirir.

Səhhətinin pis olduğu üçün onu Lənkəran Rayon Mərkəzi Xəstəxanasından Bakı şəhərində yerləşən Daxili İşlər Nazirliyinin Respublika hospitalına aparırlar.
Burada ona qida zəhərlənməsi diaqnozu qoyulur.



Hazırda ev şəraitində müalicəsi davam edən baş redaktorun səhhətində ciddi problemlər yaranıb. Onun əlləri, ayaqları və bədəninin digər nahiyələri zəhərlənmə səbəbindən şişib.

Asiya TV-yə danışan baş redaktor çayına və ya yeməyinə bilərəkdən zəhər qatıla biləcəyini təkzib etmir.

O bildirib ki,
“Hələki heç kimdən şikayət etməmişəm. Sağalan kimi baş verənlərlə bağlı geniş açıqlama verəcəm. Çətin günümdə yanımda olan həmkarlarıma və dostlarıma təşəkkürümü bildirirəm.”







Paylaş: