Kürdəmir rayonunda bədbəxt hadisə baş verib.

Rayonun Ərəbxana kənd sakini 1988-ci il təvəllüdlü Seyran Malayev suda boğularaq ölüb.

Bildirilir ki, Seyran yaşadığı evin yaxınlığında olarkən epilepsiyası tutub. Qıcolma keçirən şəxs ağzıüstə yolun kənarındakı su kanalına düşüb.

Kanaldakı suyun hündürlüyü 40-50 santimetr olsa da, S.Malayev çevrilə və ya ayağa qalxa bilməyərək ölüb.

Faktla bağlı araşdırma aparılır.