Azərbaycanın Rusiyadakı fövqəladə və səlahiyyətli səfiri Polad Bülbüloğlu geri çağırılacaq.

Bu barədə Gununsesi.info-nun əldə etdiyi xəbərdə deyilir.

Bildirilir ki, Polad Bülbüloğlu ilə bağlı qərar yaxın zamanlarda veriləcək.

Onun geri çağırılması yaş həddi ilə bağlı olsa da ancaq Moskvadakı səfirlikdə maliyyə pozuntularının üzə çıxması bunu zəruri edib.

Mənbəmizin məlumatına görə, maliyyə qurumları tərəfindən aparılan yoxlamada ciddi mənimsəmələr və digər qanunsuzluqlar üzə çıxıb.

Qeyd edək ki, Polad Bülbüloğlu 2006-ci ildən bu postu tutur. Onun 78 yaşı var.