İranın Məşhəd şəhərində hökumət əleyhinə etiraz aksiyaları zamanı 17 yaşlı məktəbli həlak olub.

“Qafqazinfo” “BBC”yə istinadən xəbər verir ki, hüquq-mühafizə orqanlarının əməkdaşları Əbulfəzl Adinezadəyə yaxın məsafədən atəş açıb.  

Hadisənin oktyabrın 8-i baş verdiyi bildirilir. Həkimlər 17 yaşlı gəncə 1 metrdən daha az məsafədən atəş açıldığını qeyd edib. 

Gəncin dəfni zamanı isə atası ona 24 dəfə atəş açıldığını deyib. 

Xatırladaq ki, İranda sentyabrın 16-sı 22 yaşlı Məhsa Əmininin əxlaq polisi tərəfindən zorakılığa məruz qalması və bir neçə saatdan sonra xəstəxanada vəfat etməsi ölkədə ictimai-siyasi vəziyyəti gərginləşdirib. Bunun ardınca ölkədə kütləvi etiraz və iğtişaşlar baş verib. Aksiyalar zamanı hüquq-mühafizə orqanlarının əməkdaşları etirazçılara atəş açıb.