Xəbər verdiyimiz kimi özünü jurnalist kimi təqdim edərək vəzifəli şəxslərdən pul tələb edən Bayram Hacıyev cinayət başında yaxalanıb. Saxlanılan B.Hacıyev bir müddət öncə müğənni Manaf Ağayevin səhiyyə sistemində çalışan oğlu barədə də məlumat yaymışdı. Manset.az zərərçəkən şəxslər arasında onun oğlunun da olub-olmaması ilə bağlı müğənniyə müraciət edib. O, B.Hacıyevlə bağlı hüquq muhafizə orqanlarına şikayət etmədiklərini bildirib:

“Bu məsələ bizə aid deyil. Bayram pul istəyib, alanda tutulub. O, özü yaxşı bilir ki, onu tutduran kimdir. Bloggerə pul verən şəxslər mənim yaxınlarım deyil. O, ağlına gələnir danışırdı. Mən onunla bağlı heç hara şikayət etməmişəm. Onu demişdim get, öz işinlə məşğul ol. Bayram Hacıyev də üzr istəmişdi. Hər bir insanın hüququ var onu şantaj edən şəxsdən şikayət eləsin. Amma o iş mənlik deyil”.