100 metr məsafəyə qaçışda ikiqat Olimpiya mükafatçısı amerikalı Fred Kerli Mayami-Biçdə (Florida) həbs edilib.

Bu barədə NBC telekanalı məlumat yayıb.

Qeyd olunur ki, Kerli əvvəlcə yaxınlıqda saxladığı avtomobili ilə bağlı polislə danışıb, daha sonra ərazini tərk etməkdən imtina edərək aqressiv davranışlar göstərməyə başlayıb.

“Bundan sonra idmançıya qarşı səs tapançasından istifadə edilib və o, həbs edilib. İdmançı polis əməkdaşına hücum etmək, ictimai asayişi pozmaq və polisə müqavimət göstərməkdə şübhəli bilinir”, - telekanalın məlumatında deyilir.

Qeyd edək ki, Kerlinin 29 yaşı var. O, son iki Olimpiadada 100 metr məsafəyə qaçışda medal qazanıb - Tokioda gümüş və Parisdə bürünc. Onun dünya çempionatında da üç qələbəsi var.