İndoneziyada Roma Papası Fransiskə sui-qəsd hazırlayan 7 nəfər saxlanılıb.

Bu barədə “The Straits Times” məlumat yayıb.

Sui-qəsdçilərin qarşısı Papa Fransiskin İndoneziyanın paytaxtı Cakartaya səfərindən cəmi iki gün əvvəl alınıb. Onların bir-birini tanıyıb-tanımaması və ortaq terror qruplaşmasına aid olub-olmaması hələ müəyyən edilməyib. Saxlanılanlardan birində ox-yay, pilotsuz uçuş aparatı və İslam Dövlətinin vərəqələri aşkar edilib.

İndoneziya polisinin bildirdiyinə görə, sui-qəsdçilər Papanın Cənub-Şərqi Asiyanın ən böyük məscidi olan İstiqlal məscidini ziyarət etmək niyyətindən qəzəbləniblər.